Etiopien

Kunngiitsuuffik Etiopia nunap timaani naalagaaffiuvoq, Afrikap avannamut kangianiittoq. Etiopia 2000 meterit missaanni qatsissusilimmi narsartamiippoq, nunarsuup qalipaasa illikarnerisa pilersitaanik qooqqinerujussuarmit tarajuusunik taseqarlutillu puilasulimmit avinneqartumik. Nili Tungujortoq Etiopiamit aallaaveqarpoq. Qatsissoq savanneqarfiuvoq ivigalik kiattullu orpippassualik. Avannaa-kitaa nunaavoq pukkitsoq naggorissoq, angisuunik kuulik. Kangia inoqajuitsuuvoq.

Kiattorsuarmik klimaqarpoq sivisuumik panernersuaqartartoq. Qatsissumili klima akunnattoq atuunneruvoq.

Naasorissaaneq inuutissarsiutini pingaarnersaavoq. Pingaartumik kaffit , annoraassiassat, sukkut inuussutissallu allat naatinneqartarput. Etiopia kuulteqarfinnik, platineqarfinnik aamma kalisalteqarfinnik annertuunik peqarpoq. Etiopia pingaartumik ermup nukinganit nukissamik pisarpoq.

Etiopia nunasiaataasimanngisaannarpoq. Ukiuni arlaqalersuni Eritrealu killeqarfilerngusaattarput.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: