Guinea

Guinea Afrikap kitaani kunngiitsuuffiuvoq Atlantikumut sinerialik. Nunataa qaqqaqarpoq, qatsissortaa ujaraavoq sioqqanit tiggusimasoq narsartaallunilu ivigalik kiattullu orpippassualik kiisalu sineriaata nunataa narsartaavoq isorartooq aamma mangrovep masarsuinik masarsoqarfiusoq.

Kiattorsuarmik klimaqarpoq isugutattumik, piffissami maaji-oktobarimi siallertartoq.

Naasorissaaneq aatsitassarsiornerlu inuutissarsiutini pingaarnersaapput. Ilaatigut bauxit, saviminissaq, diamantit kuultilu piiarneqartarput. Naasorissaanermi naatitat pingaarnerit tassaapput bananit, ananasit, kaffe, jordnøddit palmeolielu nunanut allanut nioqqutaasartut kiisalu maniok, naatitat qaqorteqqasullu namminermut atugassat.

1958-imut franskit nunasiaatigaat. Guinea nunaavoq piitsooqisoq aningaasanillu ikiorserneqarnissaminik pisariaqartitsisoq. Inuisa affaat sinnerlugit atuarsinnaanngillat.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: