Mauretanien

Mauretania Afrikap avannaa-kitaani kunngiitsuuffiuvoq. Nunataa manimajaarsuuvoq; annertooq inoqajuitsuuvoq (Sahara) tassaanerulluni sioqqat ippinnguussimasut nikerartut, sioqqat teqqartut, qatsissut qaarsullu. Nunap kujasinnerusortaa savanneqarfiusoq narsarsuaqarfiusorlu ivigalinnik orpigarasaartunik, Senegalillu Kuuata eqqaa nunaavoq pukkitsoq.

Kiattorsuarmik klimaqarpoq temperaturi annertuumik allanngorsinnaasoq killilimmillu nakkaalaqartoq. Sioqqanik persulinnik anorersuartarpoq sivisungaatsiartumillu panernersuaqartarluni.

Nunap aalisakkat saviminissarlu pingaarnertut pisuussutigai. Kujataani oasenilu ilaatigut hirse, qaqorteqqasut, jordnøddit, daddelit, qajuusiassat, tupa durralu naatinneqartarput. Ukiuni nakkaalaqarfinni annertuumik nersutaateqartoqartarpoq. Diamanteqarfiit uuliaqarfiillu piiaaffigineqanngillat kiisalu kanngussak, taratsut fosfatilu killilimmik piiagaasarput.

Mauretania 1960-ip tungaanut franskit nunasiaatigaat.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: