Costa Rica

Costa Rica Amerika Qiterlermi kunngiitsuuffiuvoq. Nuna Caribiap Imartaanut Manerassuarmullu sineriaqarpoq, Nicaragua Panamalu killeqarfigalugit. Nunap qeqqata tungaa qatsissuuvoq narsaasoq naggorissoq, qaqqanit uiguleriinnit marlunnit innermik anitsisartunit ungalusaasoq. Sineriaa pukkitsuuvoq, narsaalluni masarsulik kiattullu orpippassuaqarluni.

Kiattorsuarmik klimaqarpoq annertuumik siallersartumik. Nunap qeqqa qatsissoq nillataarneruvoq. Akulikitsumik nuna sajuttarpoq.

Kunngiitsuuffiup aningaasarsiorneranut naasorissaaneq nersussuullu neqaa annertuumik pingaaruteqarput. Naatinneqartartut pingaarnerpaat tassaapput sukkut, bananit kaffilu. Nunap nukissamik pilersorneqarnerata annertunersaa ermup nukinganit pilersinneqartarpoq.

Amerika Qiterlermi nunanut allanut sanilliullugu Costa Rica nunaavoq ineriartorluarsimasoq, demokratiilu ineriartortitaalluarsimalluni. Nuna sakkutooqanngilaq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: