Honduras

Hondurasi Amerika Qiterlermi kunngiitsuuffiuvoq. Nuna Caribiap Imartaanut takisuumik sineriaqarpoq, Manerassuarmut naatsumik sineriaqarluni kiisalu Guatemala, El Salvadori Nicaragualu killeqarfigalugit. Hondurasi qaqqartuujuvoq, naggorissunik narsaqarluni, narsaqarpoq qatsissumiittunik kiisalu avannaa pukkitsuuvoq kiattup orpippassualik kangialu savanneuvoq.

Klimaa kiattuuvoq sineriallu isugutasuulluni. Qatsissoq nillataarneruvoq. Hondurasi 1998-imi ulussaarsuarmit annertuumik aseruateriffiusumit eqqugaavoq.

Inuisa sulisinnaasut affaasa missaasa naasorissaaneq suliffigaat. Naatinneqartartut pingaarnerpaat tassaapput bananit, kaffe sukkullu. Nersutaateqarneq, orpippassualerineq aatsitassarsiornerlu aningaasarsiornermut aamma pingaaruteqarput.

Hondurasi Amerika Qiterlermi nunat piitsuunerpaat ilagaat.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: