Nicaragua

Nicaragua Amerika Qiterlermi kunngiitsuuffiuvoq. Nunap kangimut Caribiap Imartaa kimmullu Manerassuaq sineriaqarfigai, kiisalu avannamut Hondurasi kujammullu Costa Rica killeqarfigalugit. Nunataa qaqqaqarpoq innermik anitsisartulinnik sulilu anitsisartunik, qooroqarpoq, qatsissoq narsaqarpoq, kuussuaqarpoq kiattullu orpippassuaqarluni. Kangimut sineriaaniipput kuussuit akui pukkitsut, tasinngortallit, sioraasunik ikkannillit koralillu ikkanninnguuttut.

Klimaa kiattorsuuneruvoq, qatsissorli nillataarnerulluni. Akulikitsumik nuna sajuttarpoq, ulussaarsuaqartarpoq innermillu anitsisoqartarluni.

Naasorissaaneq inuutissarsiutini pingaarnersaavoq. Ilaatigut annoraassiassat, kaffe sukkullu nunanut allanut niuerutissat kiisalu qaqorteqqasut, majsit, qajuusiassat, hirse, bønnit naatitallu namminermut naatinneqartarput. Nersutaateqarneq annertuvoq. Nunap pisuussutai pingaarnerit allat tassaapput aalisakkat, qaleruallit, kuulti kanngussallu.

Nicaragua siusinnerusukkut inuisa imminnut sorsuuffigisarpaat politikkikkullu eqqissiviilliorfiusarluni.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: