Chile

Chile Amerika Kujallermi kunngiitsuuffiuvoq. Nuna takisoorsuuvoq sinerissap tungaanut isorartunani, Manerassuarmiittullu qeqertat arlaqartut Chilemut atapput. Nunataa avannaani qaqqat pukkitsuniit inoqajuitsuniillu qeqqani kiattup orpippassuinut kujataanilu qaqqanut alisissumiittunut allanngorarpoq. Andesip Qaqqai kujataanit avannaanut ingerlaarput, nunap annertussusaata 1/3-eralugit.

Avannaa inoqajuitsumut assingusumik klimaqarpoq, nunap qeqqa kiattumik kialaarluni akunnattumut klimaqarpoq kujataalu issittup silaannaanik isugutattumik klimaqarluni. Akulikitsumik innermik anitsisoqartarpoq nunalu sajuttarluni.

Chile nunarsuarmi nunat kanngussammik tunisassiortut annersaraat. Nuna aamma salpetereqarfinnik, saviminissaqarfinnik, aamarsuaqarfinnik, svovleqarfinnik, kuulteqarfinnik, sølveqarfinnik, manganeqarfinnik, molybdæneqarfinnik, naturgasseqarfinnik ermullu nukinganik annertuunik pissamaateqarpoq. Aatsitassarsiornerup saniatigut naasorissaaneq orpippassualerinerlu nunap aningaasarsiorneranut pingaaruteqartuupput.

Chile Amerika Kujallermi nunat atugarissaarfiunerpaat, ineriartorfiunerpaat patajaannerpaallu ilagaat.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: