Ecuadori kunngiitsuuffiuvoq Amerika Kujalliup avannaata kitaaniittoq. Nunap Manerassuaq sineriaqarfigaa, Peru Colombialu killeqarfigalugit. Andesip Qaqqai qaqqanut sammiveqatigiillutik uiguleriinnut marlunnut avipput, nuna qatsissumi narsaasoq akunneralugu. Kangia pukkitsuusoq akulikeqisunik kiattup orpippassuaqarpoq. Kitaa pukkitsuuneruvoq orpippassuarnik qalligaasoq. Galápagosip qeqertai Ecuadorimut atapput.

Nunap pukkitsortaa kiattorsuarmik klimaqarpoq, qatsissoq akunnattumik klimaqarluni qaqqallu innermik anitsisartut aputillit sermitallillu issittumik klimaqarput.

Nunap pisuussutai pingaarnerit tassaapput uulia, naturgassi, kuulti, qisuit ermullu nukinga. Uuliap saniatigut pingaartumik bananit raajallu nunanut allanut niuerutaasarput. Nunap inuisa sulisinnaasut 1/3-ingajaat naasorissaanermi sulisuupput.

Nuna uuliassaqarfeqaraluartoq Ecuadori Amerika Kujallermi nunat piitsuunerpaat ilagaat.