Paraguayi kunngiitsuuffiuvoq Amerika Kujallermiittoq. Naalagaaffiuvoq nunap timaaniittoq, Bolivia, Brasilia Argentinalu killeqarfigalugit. Kuussuup Paraguayip, avannaanit kujataanut ingerlaartup, nuna killermut kangillermullu avippaa. Killeq manissunik narsaqarpoq, akulikitsunik orpigaqarluni masarsoqarlunilu. Kangilleq maniitsuuvoq kiattullu orpippassuinik qalligaalluni.

Kiattorsuarmik klimaqarpoq. Kitaa panertuuvoq.

Naasorissaaneq inuutissarsiutini pingaarnersaavoq, nunap inuisa sulisinnaasut 1/3-ingajaat naasorissaanermi sulisuupput. Pingaartumik maniok namminermut, aamma sojabønnit, sukkerrørit annoraassiassallu nunanut allanut niuerutissatut naatinneqartarput. Qisuit ermullu nukinga aamma nunap pisuussutigai pingaarutillit.

Paraguayi 1811-mi namminiilerpoq. Nuna tamatuma kingorna sorsunnerni arlaqartuni peqataasarsoq. Paraguayi 1954-imit 1989-imut kisermaassilluni naalakkersuisuuffiuvoq.