Peru

Peru kunngiitsuuffiuvoq Amerika Kujalliup kitaata tungaaniittoq. Ecuadori, Colombia, Brasilia, Bolivia Chilelu killeqarfigai. Andesip Qaqqai nuna tamakkerlugu isorartussuseqarput. Andesip Qaqqaasa kangianni Amazonas kiattup orpippassuaqarpoq, pukkitsuulluni kuussuaqarlunilu. Nunataata kiterpiaa panertuulluni sineriaavoq narsaasoq.

Kangianiipput kiattup orpippassui, kitaanilu sinerissap narsaa inoqajuitsuuvoq panertoq. Andesip Qaqqai akunnattumik klimaqarput, taamaattoq ullup ingerlanerani temperaturi annertuumik allanngorartarpoq. Nuna sajuttarpoq innermillu anitsisoqartarluni.

Perumi nunap pisuussutai pingaarnerit tassaapput kanngussak, zinki, tin, sølvi, aqerloq, saviminissaq, kuulti ermullu nukinga. Naasorissaaneq aalisarnerlu inuutissarsiutaapput pingaarutillit.

Perup inuisa affangajaat indianeriupput. Perumi inuuniarnikkut aningaasarsiornikkullu assigiinnginneq, piitsuuneq, atorfinnik atornerluineq pinerlunniartarnerlu annertuumik ajornartorsiutaapput.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: