Uruguay

Uruguayi kunngiitsuuffiuvoq, Amerikap Kujalliup kujataata kangianiittoq. Nuna kimmut Argentinamit, avannamut kangimut Brasiliamit kujammullu Atlantikumit killiligaavoq. Nunataa pukkitsuuvoq, qattunersaqarluni narsaqarlunilu ivigalinnik kiisalu avannaata kangiani Brasiliamut killeqarfiata tungaa pukkitsunik qaqqaqarpoq. Nuna taserpassuaqarpoq annertuunillu pingasunik kuussuaqarfeqarluni. Sineriaa tasinngortaqartiterpoq masarsuullunilu.

Klimaa isugutalluni akunnattumit kiattorsuup klimaanut allanngorartuuvoq, aasat kiallutik ukiullu nillataarlutik.

Nersussuaateqarneq savaateqarnerlu aningaasarsiornikkut annertuumik pingaaruteqarput, savap meqqui, ammit, neqit immunnillu tunisassiat nunanut allanut nioqqutissiaasarlutik. Qaqorteqqasut, annoraassiassat, majsit, citrusip paarnai tupalu naatinneqartarput. Nuna annertunerusumik aatsitassaqanngilaq.

Uruguayi 1985 tikillugu sakkutuunit naalakkersugaavoq. Amerika Kujallermi nunanut allanut sanilliullugu Uruguayi atugarissaarfiuneruvoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: