Botswana

Botswana Afrikap kujataatungaaniittoq kunngiitsuuffiuvoq. Nuna Namibiamit, Zimbabwemit Afrika Kujallermillu ungalusaavoq. Inoqajuitsoq Kalahari nunataata annersaraa. Narsarsuaqarpoq ivigalinnik orpigarasaartunillu masarsoqarlunilu, pingaartumik nunap timaaniittut kuuit akoqarfiiniittut Okavangop Masarsoqarfii. Kiisalu arlalinnik uumasunut nujuartanut eqqissisimatitsiveqarpoq nationalparkeqarlunilu.

Kiattumik klimaqarpoq paningaatsiartuullunilu. Pingaartumik piffissami marsi-novembarimi nakkaalaqartarpoq.

Nunap pisuussutai pingaarnerit tassaapput diamantit, nikkeli aamma kanngussak. Aatsitassat saniatigut naasorissaaneq nunap aningaasarsiorneranut aamma pingaaruteqarpoq.

1966-ip tungaanut tuluit nunasiaatigaat. Nuna siusinnerusukkut Afrikami nunat piitsuunerpaat ilagaat, kingusinnerusukkulli aningaasarsiornikkut annertuumik ineriartortoqarluarpoq. Botswanami demokratii patajaatsuuvoq inuuniarnikkullu atugarissaarneq pitsanngoriartorluni. Taamaattorli inuisa 1/3-liisa missaat hivimik tunillatsissimasuupput imaluunniit aidsimik nappaalallutik.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: