Afrika Kujalleq kunngiitsuuffiuvoq, Afrikap Nunavissuata kujammut isuaniilluni. Nunap naalagaaffik nunap timaaniittoq Lesotho ungalusimavaa. Nunataata qeqqa qatsissumiittoq narsaavoq orpippassualik orpigalillu qaqqanit ataasiakkaanit qaqqanillu uiguleriinnit ungalusaasumik kiisalu qooqqut kuussuartallit, qatsinnersarsuit sineriaatalu nunataa narsaasoq isorartunngitsoq.

Kiattumik klimaqarpoq, ukiukkut kujataani aasakkullu avannaani siallertartumik. Avannamut kimmut Inoqajuitsoq Kalahari killeqarfigaa.

Nunap pisuussutaanik pisuujoqaaq, ilaatigut tassaasut kuulti, aamarsuit, naturgassi, diamantit, asbesti, kanngussak, kromi, platini, saviminissaq, vanadiumi, urani manganilu. Aatsitassarsiorneq, suliffissuaqarneq takornariaqarnerlu inuutissarsiutini pingaarnersaapput.

Afrika Kujalleq 1961-imut tuluit Commonwealthianni ilaavoq. Apartheidimik naalakkersuineq 1994-imi atorunnaarsinneqarpoq. Nunamili inuttut atukkatigut annertuumik suli assigiinngittoqarpoq. Inuisa 1/5-ingajaat hiv/aidsimik tunillanneqarsimapput.