Benin

Benini Afrikap kitaani kunngiitsuuffiuvoq. Nuna Guineap Kangerliumarnanut sineriaqarpoq, Burkina Faso, Niger, Nigeria aamma Togo killeqarfigai. Nunap sineriaa narsaavoq masarsuusoq isorartooq, avannaa savanneqarfiulluni sillisissamillu ujaraasumik qatsissortaqarluni; avannaata kitaaniipput Atakorap Qaqqai kiisalu nuna taseqarpoq, kooqarluni orpippassuaqarlunilu. Inuiaassuseqatigiit assigiinngitsut 40-t sinneqartut Beninimi nunaqartuupput.

Kiattorsuarmik klimaqarpoq, ukiumut ataasiarluni avannaani siallertarfeqarluni, kujataanilu sineriaap eqqaani marloriartarluni.

Nunap inuisa sulisinnaasut affaat sinnerlugit naasorissaanermik suliaqarput. Nunap pisuussutai pingaarnerit tassaapput ujarak kalkiusoq aamma ujaraaqqat. Kuup Monop eqqaaniittumit ermup nukissiorfianit nuna nukissamik pilersugaavoq.

1960 tikillugu franskit nunasiaatigaat. Benin maannakkut Afrikami nunat demokratiskiusut patajaannersaasut ilagaat, taamaattorli ineqarnikkut peqqinnissakkullu pitsaanngitsumik atugaqarfiuvoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: