Cameroun

Camerouni kunngiitsuuffiuvoq, Afrikap kitaani Guineap Kangerliumaneranut sineriaqartoq. Camerounip nunataata ilaa sineriammiittoq narsartaavoq kiattup orpippassualik, qeqqa qaqqartuvoq innermik anitsisartulik avannaalu qatsinnersarsuuvoq savanneqarfiusoq.

Kiattorsuarmik klimaqarpoq, ukiumut marloriarluni siallersarfeqarluni.

Inuisa sulisinnaasut amerlanersaat naasorissaanermik inuutissarsiuteqarput. Pingaartumik kaffit, kakaot annoraassiassallu naatinneqartarput. Orpippassualerineq uuliasiornerlu nunap aningaasarsiorneranut aamma pingaaruteqartuupput.

Siusinnerusukkut Camerouni tyskit nunasiaatigaat. Sorsunnersuit aappaata kingorna nuna tuluit franskillu nunasiaannut avinneqarpoq. Camerouni siusinnerusukkut politikkikkut eqqissiviilliorfiusarpoq aammalu Nigerialu aporaattarlutik. Inuisa affaat sinnerlugit atuarsinnaanngillat.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: