Congo (Demokratisk)

Kunngiitsuuffik Congo Demokratiskiusoq Afrikap qeqqaniippoq. Nunataa kangiani uiguleriinnik qaqqaqarpoq portusuunik; nunap sinnerani qaqqat pukkitsuupput qatsissorlu narsartaalluni. Atlantikumut sineriaata nunataa isorartunngitsoq masarsuuvoq pukkitsuullunilu. Nunap 3/4-iata missaa kiattup orpippassuinik qalligaavoq.

Kiattorsuarmik klimaqarpoq, avannaani apriili-oktobarimi kujataanilu novembari-marsimi siallertarluni.

Nuna nunap pisuussutaanik peqarluarpoq, ilaatigut kanngussammik, diamantinik, koboltimik aamma uuliamik. Ermup nukiliornissamut annertuumik aamma periarfissaqarluarpoq. Nunap inuisa sulisinnaasut 50 %-ii sinnerlugit naasorissaaneq suliffigaat.

1960-imut Belgiamiut nunasiaatigaat (Belgisk Congo). Nunap inuisa imminnut sorsuunnerat, sorsunnerit, pikititsinerit politikkikkullu eqqissiviilliornerit nunami suli ajornartorsiutaapput, aningaasarsiornermut kinguarsaataasumik. Nunap Kunngiitsuuffik Congo Demokratiskiusoq 1997-imi taaguutigilerpaa.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: