Djibouti

Djibouti Afrikap kangiani kunngiitsuuffiuvoq Imaq Aappalaartup paavani Adenip Kangerliumarnanut sineriaqarluni. Djiboutip nunataa inoqajuitsuuvoq pukkitsoq sioraallunilu qaarsuusoq, qaqqaqarpoq, narsaqarpoq qatsissuniittunik taseqarlunilu tarajornitsunik. Taseq tarajornitsoq Assal Afrikami pukkinnersamiippoq (- 173 m).

Djibouti nunarsuarmi nunat kiannerpaat panernerpaallu ilagaat. Klimaa inoqajuitsup klimaanut assinguvoq. Akuttunngitsumik nuna annikitsumik sajuttarpoq.

Nunap pisuussutai amerlanngillat. Taamaattorli tatsinit tarajuusunit taratsumik piiaasoqartarpoq, nersutaateqarneq aamma annertuvoq. Aningaasarsiorneq pingaartumik umiarsualivikkut aamma Djiboutip Addis Abeballu (Etiopiamiittup) akornanni qimuttuitsut aqqutaat atorlugu niuernermik, sullissinermik angallassinermillu tunngaveqarpoq.

1977-imi namminiilernissani tikillugu franskinit nunasiaataavoq. Djibouti piitsuuvoq politikkikkullu eqqissisimaffiusarani; nunanit allanit aningaasatigut ikiorserneqartarpoq, pingaartumik Frankrigimit Saudi Arabiamiillu.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: