Egypteni Afrikap avannaa-kangiani kunngiitsuuffiuvoq. Nuna Imaq Akullersuarmut aamma Imaq Aappalaartumut sineriaqarpoq. Libyap Inoqajuitsua kuussuup Nilenip kitaaniittoq inoqajuitsuuvoq pukkitsoq oaseqartoq. Arabiap Inoqajuitsua Nilenip aamma Imaq Aappalaartup akornanniittoq qaqqaqarneruvoq qatsissumilu narsaalluni. Sinaip qeqertaasaa inoqajuitsuuneruvoq manimajaarsuusoq, kujataali qatsissumiippoq qaqqaqarlunilu.

Kiattumik klimaqarpoq.

Egyptenip nunami pisuussutai pingaarnerit tassaapput uulia naturgassilu. Nunap inuisa sulisinnaasut 1/3-ingajaat naasorissaanermik sulisuupput. Nilenip qoorua akuatalu nunutaa naggorissuupput. naggorissut. Nunap ilaani annertunerpaartaani imerterineq pisariaqartuuvoq. Pingaartumik annoraassiassat, sukkerrørit qajuusiassallu naatinneqartarput. Takornariaqarneq aamma inuutissarsiutaavoq pingaarutilik.

2011-mi Egyptenimi politikkikkut annertuumik eqqissiviilliortoqalerpoq akerliussutsimillu takutitsinerit annertuut ingerlanneqarlutik. Pissaanermik tigummisut arlaleriarluni taarserneqarput sulilu politikkikkut eqqissiviilliortoqarpoq. 2014-imi sakkutuut naalakkersuisut peersippaat; inuinnaat naalakkersuisut nutaat ivertitaapput.