Elfenbenskysten

Elfenbenskysten Afrikap kitaani kunngiitsuuffiuvoq. Nuna Guineap Kangerliumarnanut sineriaqarpoq. Nunap qeqqatatungaa avannaatungaalu qatsinnersarsuuvoq savanneqarfiusoq. Kujataatungaa pukkitsuuvoq, kiattup orpippassuaqartoq. Sineriaaniipput tasinngortat, mangrovep masarsui sissallu sioraasut.

Kiattorsuarmik klimaqarpoq pingaartumik kujataani siallernerpaasartoq.

Naasorissaaneq inuutissarsiutini pingaarnerpaavoq. Ilaatigut kakao, kaffe, bananit, palmeolie, ananasit gummilu nunanut allanut tunisassiarineqartarput. Nunap pisuussutai pingaarnerit tassaapput uulia, diamantit, naturgassi, qisuit ermullu nukinga.

Elfenbenskysten 2000-ip kingorna politikkikkut eqqissiviilliorfiusarpoq, pikitsitsisoqartarluni aattalimmillu eqqissiviilliortoqartarluni. Politikkikkut eqqissiviilliorfiusaraluarluni Elfenbenskysten Afrikami nunat pisuujunerpaat ilagaat. 1960 tikillugu franskinit nunasiaataavoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: