Gambia

Gambia Afrikap kitaani kunngiitsuuffiuvoq Atlantikumut isorartunngitsumik sinerialik. Nuna tamaat Senegalip ungalusimavaa. Gambiap Kuuata nuna tamaat aqqusaarpaa. Kuup sinai illuttut tamarmik qooruupput, marski, mangrovep orpippassui savannelu. Kuup akuata kujataatungaani Atlantikumut sineriaa isorartuvoq kokospalmeqartoq. Gambia Afrikap nunavittaani nunat minnersaraat.

Kiattorsuarmik klimaqarpoq maaji-oktobarimi siallersartoq. Nakkaalaq sineriammi annerpaavoq kangimut annikilliartorluni.

Naasorissaaneq inuutissarsiutit pingaarnersaraat. Pingaartumik qaqorteqqasut, majsit hirsellu nammineq atugassat kiisalu jordnøddit nunanut allanut niuerutissat naatinneqartarput. Takornariaqarneq annertuumik pingaaruteqarpoq.

Gambia politikkikkut patajaatsuunngilaq, annertuumik suliffissaaleqiffiuvoq, nunalu nunanit allanit aningaasanik ikiorserneqarnissaminik pisariaqartitsivoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: