Ghana

Ghana Afrikap kitaani Guineap Kangerliumanerani kunngiitsuuffiuvoq. Sineriaata nunataa narsaamanersuuvoq isorartooq, nunallu timaaniipput narsat qattunersallu pukkitsut kiattup orpippassuallit savanneqarfiusullu. Voltap kuui sapusersugaapput, tasiliarlu angisooq Voltap Tasia pilersillugu.

Kiattorsuarmik klimaqarpoq, kujataani ukiumut marloriarluni siallersarfeqarluni, avannaanilu ataaseriarluni.

Nunap pisuussutai pingaarnerit tassaapput kuulti, qisuit, diamantit, mangani, bauxiti, uulia aamma ermup nukinga. Pingaartumik kakao nunanut allanut nioqqutaavoq. Naatinneqartartut allat tassaapput palmit, tupa, kaffit, bananit, qaqqortarissat, majsit, qaqorteqqasut aamma maniok.

Ghana 1957-imi namminiilernermi tungaanut taaguuteqarpoq Guldkysten (tuluit nunasiaatigalugu). Namminiilernerup kingorna ukiut siulliit politikkikkut eqqissiviilliorfiusarpoq, sakkutuut mumisitsisarlutik inuuniarnikkullu atukkat ajorsiartorlutik. Danmarkip niuerniarfik ”Christiansborg” 1661-imi pilersippaa.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: