Kenya Afrikap kangiani kunngiitsuuffiuvoq. Nunap qeqqa kitaalu qaqqartuvoq, qatsissumi innermik anitsisartoqartoq Rift Valleymillu aqqusaarneqartoq. Avannaa-kangia inoqajuitsuuvoq narsarsuaqarluni ivigalinnik orpigarasaartunillu, sineriaa pukkitsuuvoq masarsuusoq. Avannaaniippoq Taseq Turkana, kitaaniillunilu Tasersuaq Victoria.

Appasinnerusumi silaannaa kiattup silaannaraa, qatsinnerusumi akunnattuunerusoq. Nunap kangisinerusortaani piffissap ilaani panernersuaqartarpoq.

Inuisa sulisinnaasut 3/4-lii naasoris- saanermi sulisuupput. Ilaatigut majsit, kaffit , tiit, bønnit, karrit, annoraassiassat aamma sisal naatinneqartarput. Nunap naggorissakkap saniatigut Kenya pinngortitami pisuussutikitsuuvoq. Nukissamik pisariaqartitsinerup ilaa annikinneq ermup nukissiornikkut pissarsiaasarpoq.

Kenya siusinnerusukkut Britisk Ø-Afrikap ilagaa. Nuna 1963-imi namminiilerpoq. Naak aningaasarsiornikkut ineriartortoqaraluartoq Kenyap inuisa 50 %-iisa missaat piitsuunermut killigititap ataan inuupput.