Mali

Mali Afrikap kitaani kunngiitsuuffiuvoq. Avannaani nunataa qatsissumiippoq narsartaalluni ujaraasoq sioqqanit tiggusimasoq inoqajuitsuullunilu (Sahara), qeqqa kujataalu nuna pukkitsuuvoq qattunersai narsartaallutik orpigarasaartut; aamma tamaaniipput kuuit qooqqersimaneri, masarsuit narsallu ivigallit. Nunap pukkitsortaa kuuit Nigerip aamma Senegalip aqqusaarpaat.

Avannaa kiattumik klimaqarpoq ivigalinnik narsartarsuaqarluni inoqajuitsuullunilu. Kujataa kiattorsuarmik klimaqarpoq savanneqarfiullunilu.

Inuisa amerlanersaat naasorissaanermik sulisuupput. Annoraassiassat nunanut allanut niuerutaasarput aamma maniok, hirse, durra majsillu namminermut naatinneqartarput. Nersutaateqarneq annertuvoq, kuunnilu taakkunani marlunni aalisarneq annertuumik ingerlanneqarpoq. Ermup nukinga atorlugu innaallagissiortoqartarpoq. Nunap pisuussutai allat annikitsuinnarmik atugaapput.

Mali 1850-1960-imi franskit nunasiaatigaat. Nuna piitsorujussuuvoq nunanillu allanit, pingaartumik Frankrigimit, aningaasatigut ikiorserneqarnissaq pisariaqartillugu.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: