Senegali Atlantikoq sineriaqarfigalugu Afrikap kitaani kunngiitsuuffiuvoq. Nunap Mauretania, Mali, Guinea, Guinea-Bissau aamma Gambia killeqarfigai. Nunataa pukkitsuuvoq, kujataa-kitaani kiattup orpippassuaqarluni, avannaa narsartarsuaqarpoq ivigalinnik inoqajuitsorasaarlunilu, kujataa-kangia qaqqaavoq; kitaa narsartarsualinnik qatsinnersarsuaqarpoq aamma sinerissami mangrovep masarsuinik masarsoqarluni.

Kujataa kiattorsuarmik klimaqarpoq maaji-juunimi aamma oktobari-novembarimi siallersarfeqarluni. Avannaa narsarsuaqarpoq ivigalinnik orpigarasaartunik.

Naasorissaaneq inuutissarsiutit annerpaartaraat. Pingaartumik nunanut allanut tunisassiaralugit jordnøddit aamma annoraassiassat, hirse, qaqorteqqasut sukkerørillu. Naasorissaanerup saniatigut aalisarneq fosfatimillu piiaaneq annertuumik pingaaruteqarput. Nuna aamma naturgassimik, saviminissamik kuultimillu peqarpoq.

Senegali 1960-imi Frankrigimit namminiilerpoq, aammalu 1982-1989-imi Gambia naalagaaffeqatigalugu. Nunami demokratii patajaatsuuvoq.