Sierra Leone

Sierra Leone Afrikap kitaani kunngiitsuuffiuvoq. Nuna Guineap Liberiallu akornanniippoq Atlantikumut sineriaqarluni. Sineriaata nunataa isorartuvoq mangrovep masarsuinik masarsoqartoq, kuussuit akui silittuupput, sineriak sioraavoq tasinngortaqartiterluni, nunap timaani orpippassuaqarpoq qooroqarlunilu kuussuartalinnik, avannaa kangialu qaqqaqarpoq savanneqarlunilu.

Kiattorsuarmik klimaqarpoq annertuumik nakkaalaqartoq. Marsi-novembari siallersarfiuvoq.

Nunap pisuussutai pingaarnerit tassaapput diamantit, rutil (titaniummissaq) aamma bauxit. Aatsitassarsiorneq naasorissaanerlu inuutissarsiutit pingaarnersaraat. Naasorissaanermi ilaatigut kaffit, kakaot, palmekernit, qaqorteqqasut, maniok, hirse, bønnit, batat majsillu naatinneqartarput.

Sierra Leone 1961-imut tuluit nunasiaatigaat. Piffissami 1991-2002-mi nunap inui imminnut sorsuupput.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: