Sudani Kujalleq Afrikap kangiani kun- ngiitsuuffiuvoq. Nuna Sudanimut, Etiopiamut, Kenyamut, Ugandamut, Congomut (demokratiskiusumut) aamma Den Centralafrikanske Republikimut killeqarfeqarpoq. Nunataata avannaa narsarsuaqarpoq savanneqarlunilu, kujataa qatsissuuvoq qaqqaqarlunilu, kujataa-kitaa kiattup orpippassuaqarfiuvoq masarsoqarfiullunilu, kangialu nunaavoq pukkitsoq. Nilip Qaqortup nunap qeqqa annertuumik manissuusumik masarsoqartippaa.

Kiattorsuarmik klimaqarpoq. Nakkaalaq kujataani annertuneruvoq.

Nunap pisuussutai pingaarnerit tassaapput nuna naggorissoq naasorissaasuuffiusoq, uulia, ermup nukinga aatsitassallu arlaqartut. Nersutaateqarneq annertuujuvoq.

Sudani 2011-mi maannakkut Sudanimut aamma Sudani Kujallermut avinneqarpoq. Nunap avannaa-tungaani najugaqartut araberit-muslimit Sudani Kujallermilu najugaqartut kristumiut akunnerminni ukiorpassuarni imminnut sorsuupput. 2014-imi Sudani Kujallermi suli akersuuttoqarpoq, inuillu millioninik ataatsimik sinnillit angerlarsimaffimminnit qimaatinneqarlutik.