Tanzania

Tanzania Afrikap kangiani kunngiitsuuffiuvoq, tassaalluni Tanganyika aamma Zanzibar. Nuna Indiap Imavissuanut sineriaqarpoq. Nunataa qatsissortaqarpoq narsaallutik ivigaqartunik orpigaqartunillu, qatsissup ilaa kiattup orpippassuaqarpoq, qaqqaqarpoq innermillu anitsisartoqarluni, taseqarpoq angisuunik (Tasersuaq Victoria, Tasersuaq Tanganyika aamma Malawip Tasersua), kuussuaqarpoq sineriaalu narsaasoq mangroveqarluni koraaleqarlunilu ikkanninnguuttunik. Zanzibar qeqertaavoq koraaliusoq pukkitsoq.

Kiattorsuarmik klimaqarpoq. Nunap qeqqa panertuuvoq, qatsinnerlu nillataarnerulluni.

Tanzania amerlanngitsunik aatsitassaateqarpoq, diamantillu kuultillu piiarneqartarput. Naasorissaaneq inuutissarsiutini pingaarnersaavoq. Pingaartumik kaffit, annoraassiassat, tiit, majsit, maniok, hirse, kassava, qaqorteqqasut, sisal, bananit, cashewnøddit sukkerrørillu naatinneqartarput.

1961-imut siullermik tyskinit kingusinnerusukkullu tulunnit nunasiaataavoq. Tanganyikap aamma Zanzibarip naalagaaffeqatigiilernerat 1964-imi pilersinneqarpoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: