Bhutan

Bhutani Asiap kujataani, Himalayap kangia-tungaani kunngeqarfiuvoq. Nunap timaani naalagaaffiuvoq Kinap Indiallu akornanni. Nuna qaqqartuujuvoq, qeqqani narsartai qooqqersimanerillu naggorissuullutik. Kujataa pukkitsuuvoq, sivinganersaqarluni, orpippassuaqarluni savanneqarlunilu.

Klimaa allanngorarpoq, avannaa qaqqat silaannaanik nillertumik silaannaqarluni kujataalu kiattup silaannaanik silaannaqarluni. Nunap qeqqa akunnannerusumik klimaqarpoq, ukiut nillerlutik aasallu kiallutik.

Nunap inuisa affaasa missingi sulisinnaasut naasorissaanermik nersussuaateqarnermillu inuutissarsiuteqarput. Innaallagissamik (ermup nukinganik) nunanut allanut niueruteqarneq isertitaqarfiuvoq pingaarutilik. Nunap pisuussutai allat annikitsuinnarmik atorneqarput.

Bhutani nunarsuarmi nunat piitsuunerpaat ilagaat nunanillu allanit aningaasatigut ikiorserneqarneq annertuumik pisariaqartillugu. Takornariat ukiumut killilersugaapput.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: