Irani Asiap kujataa-kitaani kuungiitsuuffiuvoq islamiusoq. Nuna Persiap Kangerliumarnata Kaspiskip Imartaatalu akornanniippoq. Nunatai tassaapput qatsinnersuit, inoqajuitsut sioraasut, narsarsuit ivigallit, masarsuit tarajullit, qaqqat, nunat kuuit akuiniittut sineriammilu narsarsuit isorartunngitsut pukkitsut.

Kiattumik klimaqarpoq, aasat kiaqalutik ukiullu nillertaqalutik. Akuttuallaanngitsumik nuna sajuttarpoq.

Iranip uuliamik naturgassimillu pisuussutai annertuut nunap aningaasarsiorneranut toqqammaviupput. Aamarsuarnik, saviminissamik, kanngussammik, nikkelimik aqerlumillu aamma piiaasoqartarpoq. Qajuusiassat, abrikosit, daddelit, suaasiassat, qaqorteqqasut, annoraassiassat, sukkut pistacienøddillu naasorissaanermit pissarsiaasarput pingaarnerit.

Nunap aningaasarsiornikkut ineriartornera nunat tamalaat killilersuinerannit kigaalaqusersugaavoq, ilaatigut Iranip peqqarniisaarnianik islamiusunik arlaqartunik tapersersuisimanera pissutaalluni.