Japani Asiap kangiani kaasareqarfiuvoq qeqertarujussuit sisamat Hokkaido, Honshu, Shikoku aamma Kyushu kiisalu qeqertat minnerit Manerassuarmiittut 3.500-t missaat ilaallutik. Qeqertat qaqqartuujupput, nunataat annertunerusumik avannaanit kujammukaartunik qaqqaqarput uiguleriinnik, innaaqqillutik quppaqartitertunik innermillu anitsisartoqartunik.

Avannaa akunnattumik klimaqarpoq, aasat kiallutik ukiullu nillataarlutik, avannaatali kitaata ukiua nillertuuvoq aputituujusarluni. Kujataa kiattumik klimaqarpoq aasallu monsunia atuuttarluni. Ilaanneeriarluni aseruateriffioqisumik nuna sajuttarpoq, kiattup anorersuaqartarluni tassaarsuaqarlunilu.

Japani, aalisakkat qisuillu eqqaassanngikkaanni, nunap pisuussutaanik pigisakippoq. Taamaattumik nukissamik atortussiassanillu - pingaartumik aamarsuarnik, saviminissamik, naturgassimik uuliamillu - nunanit allanit annertuumik pisiortortuuvoq.

2011-mi nuna annertuumik sajoreersorlu atomimik nukissiorfiit amerlanerpaat matuneqarput.