Jordan

Jordani Asiap kujataa-kitaani kunngeqarfiuvoq. Nuna Arabiap Qeqertaasaaniippoq Iraki, Israeli, Vestbredden, Saudi Arabia Syrialu killeqarfigalugit kiisalu Imaq Aappalaartumi Aqabap Kangerliumanerani isorartungaanngitsumik sineriaqarpoq. Jordanip kangia qatsinnersuaqarpoq narsaamanersuaqartoq ivigalinnik inoqajuitsulillu. Kimmut killeqarfianiippoq Jordanip Qoorua, Genesaretip Tasianit Immamut Uumaatsumut ingerlasoq.

Kiattumik klimaqarpoq avannaa-kitaani nakkaalaqarnerpaalluni. Kangiani silaannaq inoqajuitsumut assinguneruvoq.

Jordani fosfateqarfeqarpoq annertuunik, nunalli pisuussutaanik pissakitsuuvoq. Nuna killilimmik imeqarfeqarpoq, imerterinerlu naasorissaanermut annertuumik pingaaruteqarpoq.

Piffissami 1949-1967-imi Vestbredden Jordanip ilagaa. Ullumikkut nuna tamanna Israelimiut Palæstinamiullu oqartussaaffigaat. Jordanimi piitsuuneq suliffissaaleqinerlu annertuumik atugaapput.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: