Kirgisistani kunngiitsuuffiuvoq Asiap qeqqata kangiatungaaniittoq. Kina, Kasakhstani, Tadsjikistani Usbekistanilu killeqarfigai. Qaqqat uiguleriit arlaqarput, ilaatigut Tian Shanip qaqqai kiisalu narsartarsuaqarluni.

Nunap annersaa nunaviup silaannaanik ukiukkut issittorujussuarmik klimaqarpoq. Avannaani akunnannerusumik klimaqarpoq, kujataani kitaani kiattumik klimaqarluni.

Naasorissaaneq Kirgisistanimi inuutissarsiutit pingaarnersaraat. Ilaatigut qajuusiassat, suaasiassat, naatsiiat, sukkerruuat, tupa, annoraassiassat aamma lucerne naatinneqartarput. Nunap ilaani annertuuni imerterineq pingaaruteqartuuvoq. Nunap pisuussutai pingaarnerit tassaapput nuna naggorissagaq, ermup nukinga, kuulti, aamarsuit, uulia, naturgassi, saviminissaq, kviksølvi, antimoni zinkilu.

Kirgisistani piffissami 1936-1991-imi Sovjetimi kunngiitsuuffiuvoq. Nuna namminiilernerup kingorna politikkikkut eqqissiviilliorfiusarpoq.