Korea Kujalleq kunngiitsuuffiuvoq, Koreap Qeqertaasaata kujataata tungaaniilluni. Korea Avannarleq killeqarfigaa, kitaani Imaq Sungaartoq, kujataani Koreap Ikerasaa kangimullu Japanip Imartaa sineriaqarfigalugit. Nunataa pingaartumik pukkitsunik qaqqaqarpoq, quassuttaalluni narsaallunilu. Kujataani nuna pukkitsuuvoq, meqqutaasalinnik pilutaarsartunillu orpippassualik sineriallu amerlasuunik kangerloqartiterluni.

Nunaviup silaannaanik akunnattumik klimaqarpoq, monsunip sialuanik siallertarluni, avannaani aasat kiattuupput ukiullu panerlutik nillataarlutik. Kujataa kiattumik klimaqarpoq.

Nunap pisuussutai pingaarnerit tassaapput aalisakkat, aamarsuit aatsitassallu amerlanngitsut. Qaqorteqqasut, suaasiassat, sojabønnit, naatsiiat, yams, tupa annoraassiassallu naatinneqartarput, aamma siiliki tunisassiaasarpoq. Suliffissuaqarneq aalisarnerlu inuutissarsiutini pingaarnersaapput. Korea elektronikkimi, biililiornermi umiarsualiornermilu annertuunik suliffissuaqarpoq.

1950-1953-mi Koreami sorsunneq naammat Koreap Qeqertaasaa Korea Avannarlermut Korea Kujallermullu avinneqarpoq. Nunat taakkua marluk akornanni pissanganartorsiortoqarpoq.