Nepali Asiap kujataani Himalayami kunngiitsuuffiuvoq. Nuna Tibetip (Kinap) Indiallu akornanniippoq. Kujammut Indiamut killeqarfianut nunataa, Gangesip Narsaamanersuaniittoq, manissuullunilu pukkitsuuvoq (Terai). Qeqqa qattunersarasaarpoq, Himalayap qaqqai pukkinnerit qoorortaalu tamaaniillutik. Avannaaniipput qaqqat portusuut, aputitallit sermitallillu.

Klimaa nikerarpoq kiattumiit, kiattunik aasalimmit issaasattunillu ukiulimmit avannaani qatsissumi nillataarnermik akunnattumik silaannalimmut.

Naasorissaaneq inuutissarsiutit pingaarnersaraat. Ilaatigut qaqorteqqasut, majsit, qajuusiassat, suaasiassat, oliefrø, hirse, paarnat, naatitat, jute, krydderiit naasullu nakorsaatit naatinneqartarput. Uumasuuteqarneq annertuvoq. Pinngortitap pisuussutai allat tassaapput orpiit qisuillu, gummi ermullu nukinga. Takornariaqarneq annertusiartorpoq.

Nepali nunarsuarmi nunat piitsuunerpaat ineriartornikinnerpaallu ilagaat.