Sri Lanka

Sri Lanka qeqertaavoq Asiap kujataani Indiap Imavissuani kunngiitsuuffiusoq. Qeqertami naalagaaffik taanna Indiap kujataata kangianiippoq. Qeqertap qeqqa kujataalu qatsissuuvoq qaqqaqarfiullunilu. Avannaa sineriallu narsaavoq. Kujataa-kitaa kiattup orpippassuaqarpoq, kujataa-kangia avannaalu savanneqarfiuvoq.

Kiattorsuarmik klimaqarpoq monsunip sialuanik siallersartoq. Qeqertap avannaatungaa panerneruvoq. Nuna 2004-mi tassaarsuarmit eqqugaavoq.

Nunap inuisa 1/3-liisa missaat naasorissaanermik inuutissarsiuteqarput. Ilaatigut tiit, gummi, kakao, kokosnøddit, qaqorteqqasut, kaffit paarnallu naatinneqartarput. Ermup nukinga nunap nukissiorneranut annertuumik pingaaruteqarpoq.

Sri Lanka 1948-mut tuluit nunasiaatigaat, 1972-ip tungaanut Ceylonimik taaguutilik. Sri Lankami nunap inui 1983-imit 2009-mut imminnut sorsuupput. Sorsunneq taamaatimmat takornariaqarneq malunnartumik annertusivoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: