Syria Imaq Akullersuaq sineriaqarfigalugu Asiap kujataa-kitaani kunngiitsuuffiuvoq. Nunataa avannaata kitaani kujataatalu kitaani qaqqaqarpoq, kangia kujataa-kangialu inoqajuitsuuvoq narsarsuaqarluni ivigalinnik, Imaq Akullersuarmut sineriaata nunataa isorartunani. Nunap qeqqaniipput narsarsuit ivigallit orpigarasaartut. Kuussuaq Eufrat nunap avannaanit kujataanut ingerlaarpoq.

Nunap qeqqani narsarsuaqarpoq ivigalinnik orpigaqartunillu, kitaanilu kiattumik Imaq Akullersuup silaannaanik klimaqarluni.

Nunap pisuussutaani pingaarnerit tassaapput uulia naturgassilu. Nunami sulisinnaasut 1/6-iisa missaat naasorissaanermi sulisuupput. Pingaartumik annoraassiassat, qajuusiassat, suaasiassat, oliven, tupa, citrusip paarnai sukkerrørillu naatinneqartarput.

Nunami eqqissisimannginnerit, akerliusarnerit akerliussutsimillu takutitsisarnerit inuit sorsuunnerannik kinguneqarput. Piitsuuneq annertuumik ajornartorsiutaavoq. 1976-imit 2005-imut Syriap Libanonip ilarujussua tiguaqqavaa. 2012-14-imi inui imminnut sorsuupput.