Tadsjikistani Asiap qeqqani kunngiitsuuffiuvoq. Nuna Usbekistanimit, Kinamit, Afghanistanimit Kirgisistanimillu ungalusaavoq. Tadsjikistanip ilagaa nuna nammineerluni kunngiitsuuffiusoq Gorno-Badakhsjan, kujataa-kangianiittoq. Nunataa portusuunik qaqqaqarpoq, qooroqarluni, narsartarsuaqarluni ivigalinnik inoqajuitsoqarfiullunilu.

Nunaviup silaannaanik akunnattumik klimaqarpoq, qatsissuseq allanngorarmat temperaturi annertuumik allanngorartarluni.

Naasorissaaneq inuisa affaasa suliffigaat. Annoraassiassat, tupa, karrit, paarnat, naatitat opiumilu naatinneqartarput. Uumasuuteqarneq annertuujuvoq. Nuna pisuussuterpassuaqarpoq. Bauxit, naturgassi, uulia, aamarsuit, kuulti, saviminissaq aatsitassallu allat piiarneqartarput. Ermup nukinga nukissiornermut annertuumik pingaaruteqarpoq.

Tadsjikistani 1929-imit 1991-imut Sovjetimi kunngiitsuuffiuvoq. Tamatuma kingorna sakkulersorlutik akersuuttut nunami tassani ajornartorsiutaasarput.