Vietnami Asiap kujataa-kangiani kunngiitsuuffiuvoq. Nunap kujataa kangialu Kinap kujataata Imartaanut sineriaqarpoq, kimmut Laosi Cambodjalu avannamullu Kina killeqarfigai.

Kiattorsuarmiit kiattumut klimaqarpoq, maaji- oktobari siallerfiusarluni. Anorersuaqartarpoq qarsutsisoqartarlunilu.

Naasorissaaneq inuutissarsiutini pingaarnersaavoq. Pingaartumik qaqorteqqasut, kaffe, gummi, jordnøddit, tupa, kassava, maniok, majsit, sukkerruuat, tiit, sojabønnit kokosnøddillu naatinneqartarput. Aalisarneq takornariaqarnerlu inuutissarsiutaapput aamma pingaarutillit. Uulia, ermup nukinga, bauxiti, aamarsuit, mangani, kromi fosfatilu pinngortitap pisuussutigai pingaarutillit.

Vietnami siusinnerusukkut franskit nunasiaatigaat. Nuna Sorsunnersuit aappaanni Japanip tiguaqqavaa, tamatuma kingorna Vietnami naalagaaffinnut marlunnut avinneqarpoq. 1955-1975-imi Vietnami Avannarleq aamma Vietnami Kujalleq imminnut sorsuupput. Vietnami 1976-imi ataatsimooqqilerpoq.