Danmark

Danmarki Europap Tysklandillu avannaanni kunngeqarfiuvoq. Danmarkip ilagai qeqertaasaq Jylland qeqertallu allat 400-t sinnillit, ilagalugit Sjælland, Fyn aamma Bornholm. Kalaallit Nunaat Savalimmiullu Danmarkimik naalagaaffeqateqarput. Danmarkip nunataa manissuuvoq qattunerasaarluniluunniit. Nunataa pingaartumik sermip nassataralugit unerartitaanik sioraavoq, marraalluni ujaraqarlunilu. Taamaallaat Bornholm qaarsuiuvoq.

Klimaa akunnattuuvoq, ukiut issaasallutik aasallu nillataarlutik.

Nunap pisuussutai pingaarnerit tassaapput nuna naggorissagaq pitsaasoq, uulia, naturgassi, taratsut ujarallu kalkilik. Naasorissaaneq, aalisarneq, teknologiimik qaffasissumik atugaqarluni suliffissuaqarneq ilisimatusarnerlu aningaasarsiornermut pingaaruteqartuupput.

Danmarkimi demokratii ineriartortilluagaavoq, nunarsuarmi nunat atugarissaarnikkut ineriartortilluakkat ilagaat inuuniarnikkullu atukkat ineriartortilluagaallutik. Danmarki EU-mi NATO-milu ilaasortaavoq, eurolli avataaniilluni.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: