Hviderusland

Kunngiitsuuffik Hvideruslandi (Belarus) Europap kangiani naalagaaffiuvoq nunap timaaniittoq. Hvideruslandip Tjernobylimi Ukrainemiittumi 1986-imi atomimik nukissiorfiup ajutoorfiunerata kinguneri suli atugarliuutigivai. Nunataa pukkitsuuvoq, maniilluni qattunerasaartoq, annertuunik orpippassuaqarfilik masarsoqarfilillu, issuatsiaqarfeqarpoq, taseqarluni kooqarlunilu. Nunat eqqissisimatitaasut annertuut arlaqarput.

Nunaviup silaannaanik klima akunnattuuvoq.

Suliffissuaqarneq, naasorissaaneq, orpippassualerineq, nersutaateqarneq, meqqulinnik uumasuuteqarneq igutsaateqarnerlu aningaasarsiornermut pingaaruteqarput. Nuna pinngortitap pisuussutaanik aatsitassanillu taamaallaat annikitsunik peqarpoq. Issoq nukissiuutitut nunamut pingaartuuvoq.

Hvideruslandi Sovjetimi ukiuni 1919-1991-imi kunngiitsuuffiuvoq. Nuna ullumikkut Ruslandimut atassuteqarluartuuvoq, russillu nunami ikinnerussuteqartuullutik. Naalakkersuisut kisermaassiniartuusutut inuillu piginnaatitaaffiinik malinninngitsutut akulikitsumik isornartorsiugaasarput.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: