Letlandi Europap avannaa-kangiani kunngiitsuuffiuvoq. Østersø sineriaqarfigaa, Estlandi, Ruslandi, Hvideruslandi Litauenilu killeqarfigalugit. Nunataa pukkitsuuvoq narsartaqarluni qattunerillu sioraapput marrartallit. Nunataata aamma ilagai sioqqat ippinnguussimasut, sineriammi nuna uligunneqartartoq, masarsoqarfiit, kuuit, kuunnguit tatsillu. Østersømut sineriaa atituujusarpoq. Rigap Kangerliumarnata sineriak ilummut qinngoqarfigaa. Letlandip nunataata 1/3-iata miss. orpippassuaqarfiuvoq.

Letlandip silaannaa sinerissap akunnattumik silaannaanit nunaviup akunnattumik silaannaanut allanngorarpoq. Aasat nillataartuupput ukiullu nillerlutillu aputituujupput.

Orpippassualerineq, naasorissaaneq aalisarnerlu nunap aningaasarsiorneranut annertuumik pingaaruteqarput. Suliffissuaqarnerli sullissinerlu inuutissarsiutaapput pingaarnerit.

Letlandi 1940-1991-imi Sovjetunionimi kunngiitsuuffiuvoq. Letlandi 2004-mi NATO-mi EU-milu ilaasortaalerpoq.