Makedonien

Makedonia Europap kujataa-kangiani Balkanimi kunngiitsuuffiuvoq. Nunap timaani naalagaaffiuvoq immanut attaveqarani. Makedonia Vardarip kuuata aqqusaarpaa, nunataa pukkitsuuvoq, qooruulluni, qaqqaqarluni, narsaamanersuit qatsissumiipput, orpippassuaqarpoq angisuunillu taseqarluni.

Makedonia nunaviup silaanik silaannaqarpoq aasat kiattuullutik panerlutillu ukiullu nillerlutillu aputituujupput. Nuna akulikitsumik sajuttarpoq.

Naasorissaaneq Makedoniap inuutissarsiutigaa pingaarneq. Pingaartumik qajuusiassat, sukkerruuat, majsit, annoraassiassaq tupalu naatinneqartarput. Nersussuaateqarneq savaateqarnerlu aamma annertuumik ingerlanneqarput.

1945-1992-imi Makedonia Jugoslaviamut ilaalluni kunngiitsuuffiuvoq. Inuisa amerlanersaat tassaapput slavisk-makedonerit aamma albanerit, taakkulu akornanni suli akersuuttoqartarpoq. Makedonia EU-mi ilaasortanngornissamut qinnuteqartuuvoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: