Moldova

Moldova Europap kujataani kunngiitsuuffiuvoq Rumæniap Ukrainellu akornanniilluni. Nunataa maniitsuuvoq narsarsuartaqarluni ivigalinnik, quassuttaqarluni, qaqqat pukkitsuupput, orpippassuaqarpoq, qooqqersimanerit kuuillu aamma tamaaniipput. Kuup Dnjestrip nunap ilaa kangianiittoq, Transnistria, nunap sinneranit avissaartippaa. Kuuk Prut Rumæniamut killeqarfiuvoq.

Nunaviup silaanik akunnattumik klimaqarpoq, ukiut naatsuullutik nillertut aasallu takisuut kiattut.

Naasorissaaneq aningaasarsiornermut annertuumik pingaaruteqarpoq. Naatinneqartartut pingaarnerpaat tassaapput vindruat, solsikket, tupa, naatitat, karrit majsillu.

Moldova Europami nunat piitsuunerpaat ilagaat. 1945-1991-mi Sovjetimi kunngiitsuuffiuvoq. 2013-imi EU-mik suleqateqalerpoq.

Ukrainimiut russillu ikinnerussuteqartut pingaartumik Tranistriami najugaqarput, illoqarfiup Tiraspolip eqqaani, nunanit allanit unguneqarluni namminersortumi namminerlu passinik nakkutilliisuusumi.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: