Montenegro

Montenegro Europap kujataani Balkanip qeqertaasaani kunngiitsuuffiuvoq. Adriaterip Imartaa sineriaqarfigaa, Albania, Kosovo, Serbia, Bosnia-Hercegovina Kroatialu killeqarfigalugit. Nunataa qaqqaavoq kalksteniusoq, aamma tamaaniipput narsartat qatsissumiittut, kuuit sineriallu kangerloqarluartoq. Kujataa narsaamanernik pukkitsunik sineriaqarpoq.

Montenegro kiattumik klimaqarpoq. Aasat kiallutik panerlutillu ukiullu nillerlutik. Qaqqat annertuumik apisarput.

Pinngortitami pingaarnerpaatut nunap pisuussutigaa bauxit, aluminiuliornermut atorneqartartoq.

Montenegro 2006-imi namminersortunngorpoq. Siusinnerusukkut Jugoslaviap ilagaa kingusinnerusukkullu Serbia Montenegrolu naalagaaffeqatigiipput. Nunap atorfik aqqutigalugu iluanaarniarneq, iluarsartuussamik pinerlunniarneq suliffissaaleqinerlu annertuumik ajornartorsiutigai.

Montenegro EU-mi ilaasortanngornissamut qinnuteqarpoq, isumaqatigiinniarnerillu 2012-imi aallartinneqarlutik.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: