Portugali Europap kujataa-kitaani kunngiitsuuffiuvoq Atlantikumut sinerialik. Nuna Iberiap Qeqertaasaata kujataa-kitaaniippoq, Spania kangiminiittoq killeqarfigalugu. Nunataata annersaa kujataaniittoq pukkitsuuvoq. Avannaa portusuujuvoq uiguleriinnik qaqqalik. Sineriaata kujataa sioraavoq pukkitsoq, avannaalu qaarsuuvoq sivingasoq. Portugalip qeqertat Madeira aamma Azorit namminersortut, Afrikap kitaaniittut, ilagai.

Portugali kiattumik klimaqarpoq ukiukkut siallertartumik. Avannaa-kangia sinerissap silaanik akunnattumik klimaqarpoq.

Portugali ilaatigut kanngussammik maarmorimillu aatsitassaqarpoq. Aalisarneq qangaaniilli inuutissarsiutaavoq pingaaruteqartoq. Simik, viinni aamma eukalyptus naasorissaanermit orpippassualerinermillu tunisassiaapput pingaarutillit. Naasorissaanerli suli qangatut ingerlavoq pissarsiffiungaartarani. Takornariaqarneq, pingaartumik kujataani Algarvep sineriaani, inuutissarsiutaavoq pingaarutilik.

Portugali NATO-mi EU-milu ilaasortaavoq.