Schweizi Europap qeqqani naalagaaffeqatigiiffiuvoq. Nuna Frankrigimit, Tysklandimit, Liechtensteinimit, Østrigimit Italiamillu ungalusaavoq. Nunataata kujataaniipput Alpit, avannaa-kitaanillutik Jurap qaqqai. Nunap qeqqa qaffasissumiippoq narsaamanerulluni. Amerlasuunik angisuunik taseqarpoq, ilaatigut avannaani-kangianiippoq Bodensø, kujataa-kitaaniilluni Genevesøen. Kuuit Rhinen aamma Rhone Schweizimit aallaaveqarput.

Schweizi nunaviup silaanik akunnattumik klimaqarpoq.

Nunap pisuussutaa pingaarneq tassaavoq ermup nukinga. Uumasuuteqarneq annertuujuvoq. Suliffissuaqarneq, takornariaqarneq, aningaaseriviit aningaasanillu niuerneq kiisalu sillimmasiisarfiit inuutissarsiutaapput annerpaallutillu pingaarnerpaajusut.

Schweizi nuna pisoorujussuuvoq inuuniarnikkullu atukkat qaffasissuullutik. Nunap pingaartumik kikkunnulluunniit attaviitsutut ersarissumik politikkeqarnini toqqaannartumillu demokrateqarnini ilisarnaatigai. Schweizi 1972-imit EU-mik niueqateqarnissamik isumaqatigiissuteqarpoq.