Spania Europap kujataa-kitaani kunngeqarfiuvoq. Spania Iberiap qeqertaasaata nunataata annersaaniippoq, Marokkomilu marlunnik aamma nunaateqarpoq, ilaappullu aamma Kanariap qeqertai aamma Balearit. Spania Atlantikumut Imaq Akullersuarmullu sineriaqarpoq, Frankrigi, Andorra, Portugali Marokkolu killeqarfigalugit. Nunataata qeqqa qatsissumiippoq narsartalik qaqqanit ungalusaasoq kiisalu nuna pukkitsuuvoq sineriallu narsartaqarpoq masattuusunik.

Avannaa-kitaa sinerissap silaanik akunnattumik klimaqarpoq sinneralu kiattumik klimaqarluni. Spaniap qeqqa panertuuvoq assullu kialluni.

Pinngortitami pisuussutit pingaarnersaraat aamarsuit, saviminissaq, kanngussak, zink, aqerloq, taratsut, ermup nukinga, nuna naggorissagaq aalisakkallu. Pingaarnerpaamik naatinneqartarput oliven, vindruat, citrusip paarnai, karrit aamma naatitat.

Spania siusinnerusukkut nunasiaaterpassuaqarpoq. Spania NATO-mi EU-milu ilaasortaavoq.