Storbritannia, Tuluit Nunaat, Europap avannaa-kitaani kunngeqarfiuvoq. Nunap ilagai England, Wales, Skotlandi aamma Irland Avannarleq kiisalu qeqertat minnerit arlaqartut. Kitaa avannaalu portusuujuvoq, taseqarluni, kooqarluni, qooqqersimaneqarluni aammalu Atlantikumut sineriaa kangerluttarasaartuuvoq. Kujataa kangialu pukkitsuuvoq nunataa sermip nassataralugit unerartitaanik sioraasoq, marraalluni ujaraqarlunilu, kooqarluni, sineriak marsarsuttaqarluni qattunersaqarlunilu.

Tuluit Nunaat sinerissap silaanik akunnattumik klimaqarpoq.

Pinngortitap pisuussutai pingaarnerit tassaapput uulia, aamarsuit naturgassilu. Nersussuaateqarneq savaateqarnerlu annertuujupput. Sukkerruuat, karrit, naatsiiat, rapsit, paarnat naatitallu naatinneqartarput.

1800-kunni Tuluit Nunaat nunarsuaq kaajallallugu amerlasuunik nunasiaateqarpoq. Nunasiat taakkua ilaat ullumikkut British Commonwealth of Nationsimi ilaasortaapput. Tuluit Nunaat NATO-mi EU-milu ilaasortaavoq, kisianni aningaasarsiornikkut aningaasaqarnikkullu suleqatigiinnermi peqataanani.