Sverige

Sverige Europap avannaani kunngeqarfiuvoq. Nunap Norge Finlandilu killeqarfigai, Skagerrak, Kattegat, Østersø aamma Botniap Kangerliumarna sineriaqarfigalugit. Nunataata annersaa manissuuvoq imalt. pukkitsuuvoq qattunerasaartoq, kujataani angisuunik tasilik, kitaani qaqqalik avannaalu qaqqaqarpoq portusuunik.

Sumiiffiit amerlasuut nunaviup silaanik akunnattumik klimaqarput, ukiut takillutik aputituujupput aasallu kialaartuullutik. Kujaterpiaanili sinerissap silaa atuuppoq, avannaanilu qaqqalimmi issittup silaa.

Sverigip nunataata ilaa annertooq meqqutaasalinnik orpippassuaqarpoq, qisunnik pappialanillu tunisassiornermut atorneqartunik. Pinngortitami pisuussutit pingaarnerit tassaapput saviminissaq, saffiugassat erlinnartut, qisuit ermullu nukinga. Sverigimi suliffissuaqarneq annertuumik siuarsimasuuvoq.

Sverige Nunat Avannarliit allat assigalugit inuuniarnikkut qaffasissumik atugarissaarfiuvoq. Sverige EU-mi ilaasortaavoq.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: