Tyrkiet

Tyrkia kunngiitsuuffiuvoq Europamiillunilu Asiamiittoq. Nunap annersaa Asiap kujataa-kitaaniippoq. Nunataata qeqqa portusuujuvoq narsartaalluni avannaani kujataanilu qaqqanit uiguleriinnit annertuunit portusuunillu ungalusaasoq. Avannaa kitaalu pukkitsuuvoq qaqqaqarluni. Thrakia Tyrkiap sinneranit Bosporusip Ikerasaanit avissaartitaavoq.

Kitaani sineriak Imaq Akullersuup silaanik kiattumik klimaqarpoq. Nunap sinnera nunaviup silaanik akunnattumik klimaqarpoq. Nuna akulikitsumik sajuttarpoq.

Pinngortitap pisuussutai pingaarnerit tassaapput uulia, kanngussak, aamarsuit, saviminissaq, mangan, svovl, bauxit, ermup nukinga nunalu naggorissagaq. Pingaartumik annoraassiassat, tupa, paarnat, qaqqortarissat, karrit, tiit, sukkerruuat naatitallu naatinneqartarput. Takornariaqarneq aningaasarsiornermut annertuumik pingaaruteqarpoq.

Tyrkia NATO-mi ilaasortaavoq 2005-imilu EU-mi ilaasortanngornissaa isumaqatigiinniutaalerluni.

  • Hydrotermfiguri
  • Inuutissarsiutit agguataarnerat
  • Inuit agguataarnerat
  • Igalaasaq tamaat
  • Nunat sanilliutikkit
  • Inuutissarsiutit siulliit
    Naasorissaaneq, naatsiivilerineq, aalisarneq, aalisagaateqarneq, orpippassualerineq il.il.
    Inuutissarsiutit tullii
    Suliffissuaqarneq, aatsitassarsiorneq, sanaartorneq kiisalu nukissiorneq.
    Inuutissarsiutit pingajui
    Pisortat namminersortullu sullissinerat, niuerneq, attaveqaqatigiinneq, aningaaseriviit angallannerlu.
  • Temperaturi (°C)Ukiumut agguaq: Nakkaalaq (mm.)Ukiumut nakkaalaq: